ಆಯುರ್ವೇದವು ಒಣದ್ರಾಕ್ಷಿಗಳನ್ನು ನಿಮಿರು ದೌರ್ಬಲ್ಯದಲ್ಲಿ , ವೀರ್ಯಾಣುಗಳ ಸಂಖ್ಯೆಯನ್ನು ಹೆಚ್ಚಿಸಲು, ಮಲಬದ್ಧತೆ ನಿವಾರಿಸಲು, ಪಿ. ಸಿ. ಓ. ಎಸ್ ನಲ್ಲಿ ಉಪಯೋಗಿಸುವಂತೆ ಶಿಫಾರಸು ಮಾಡುತ್ತದೆ. ನೀರಿನಲ್ಲಿ ನೆನೆಸಿದ ಒಣದ್ರಾಕ್ಷಿಯ ಪ್ರಯೋಜನಗಳು ಹೇರಳವಾಗಿವೆ.
Read this article in English Raisins or Dry Grapes Health Benefits According to Ayurveda
ಒಣದ್ರಾಕ್ಷಿಗಳ ಆಯುರ್ವೇದೀಯ ಔಷಧೀಯ ಗುಣಲಕ್ಷಣಗಳು
ಒಣದ್ರಾಕ್ಷಿ ಮತ್ತು ನೆನೆಸಿದ ಒಣದ್ರಾಕ್ಷಿಗಳ ಆಯುರ್ವೇದ ಆರೋಗ್ಯ ಪ್ರಯೋಜನಗಳು
ನಿಮಿರು ದೌರ್ಬಲ್ಯ ಹಾಗು ವೀರ್ಯಾಣುಗಳ ಎಣಿಕೆ ಹೆಚ್ಚಿಸಲು
ನೀರಿನಲ್ಲಿ ನೆನೆಸಿದ ಒಣದ್ರಾಕ್ಷಿ ತಿನ್ನುವುದರಿಂದ ಆಗುವ ಪ್ರಯೋಜನಗಳು
ಆಯುರ್ವೇದದಲ್ಲಿ ಒಣದ್ರಾಕ್ಷಿ
ಒಣದ್ರಾಕ್ಷಿ ಬಹಳ ಜನಪ್ರಿಯವಾದ ಒಣ ಹಣ್ಣು. ಇದರ ಆರೋಗ್ಯ ಪ್ರಯೋಜನಗಳನ್ನು ಆಯುರ್ವೇದದಲ್ಲಿ ತುಂಬಾ ಪ್ರಶಂಸಿಸಲಾಗುತ್ತದೆ. ಆಯುರ್ವೇದ ಆಚಾರ್ಯರು ಒಣದ್ರಾಕ್ಷಿಗಳನ್ನು “ದ್ರಾಕ್ಷಾ ಫಲೋತ್ತಮಾ ” ಎಂದು ಹೊಗಳುತ್ತಾರೆ ಅಂದರೆ ಹಣ್ಣುಗಳಲ್ಲಿ ದ್ರಾಕ್ಷಿಗಳು ಶ್ರೇಷ್ಠವಾಗಿವೆ.
ದ್ರಾಕ್ಷಿಯನ್ನು ಒಣಗಿಸುವ ಮೂಲಕ ಒಣದ್ರಾಕ್ಷಿ ತಯಾರಿಸಲಾಗುತ್ತದೆ ಇವು ಕಪ್ಪು ಅಥವಾ ಬಿಳಿ ವಿಧವಾಗಿರಬಹುದು.
ಸಸ್ಯಶಾಸ್ತ್ರೀಯ ಹೆಸರು – ವಿಟಿಸ್ ವಿನಿಫೆರಾ ಲಿನ್ನ್
ಕುಟುಂಬ – ವಿಟೆಸೀ
ಇದು ಹಲವಾರು ಭಾರತೀಯ ಭಾಷೆಗಳಲ್ಲಿ ವಿಭಿನ್ನ ಹೆಸರುಗಳನ್ನು ಹೊಂದಿದೆ
ಹಿಂದಿ – ಮುನಕ್ಕ, ಕಿಶ್ಮಿಶ್
ತೆಲುಗು – ಎಂಡುಡ್ರಾಕ್ಷ
ಕನ್ನಡ- ಒಣ ದ್ರಾಕ್ಷಿ,
ತಮಿಳು – ತಿರತ್‌ಚೈಮ್.
ಮರಾಠಿ – ಮನುಕಾ.
ಮಲಯಾಳಂ – ಉನಕ್ಕಮುಂತಿರಿ
ಗುಜರಾತಿ – ಸುಕಾ ದ್ರಾಕ್ಷಾ
ಉರ್ದು – ಮನುಕಾ, ಕಿಶ್ಮಿಶ್
ಒಣದ್ರಾಕ್ಷಿಗಳ ಆಯುರ್ವೇದ ಔಷಧೀಯ ಗುಣಲಕ್ಷಣಗಳು
ಆಯುರ್ವೇದದ ಪಠ್ಯಗಳು ಒಣದ್ರಾಕ್ಷಿಗಳ ಔಷಧೀಯ ಗುಣಲಕ್ಷಣಗಳನ್ನು ಈ ಕೆಳಗಿನಂತೆ ವಿವರಿಸುತ್ತದೆ.
ಆರು ರಸಗಳು ಅಥವಾ ಷಡ್ರಸಗಳಲ್ಲಿ , ಇದು ಸಿಹಿ ರುಚಿಯನ್ನು ಹೊಂದಿರುತ್ತದೆ (ಮಧುರ ರಸ) ಮತ್ತು ಜೀರ್ಣಕ್ರಿಯೆಯ ನಂತರ (ವಿಪಾಕಾ) ಅದೇ ರುಚಿಯನ್ನು ಉಳಿಸಿಕೊಳ್ಳುತ್ತದೆ. ಇದು ಜೀರ್ಣಿಸಿಕೊಳ್ಳಲು ಭಾರವಾಗಿರುತ್ತದೆ (ಗುರು) ಮತ್ತು ಅಂಗಾಂಶಗಳ ತೇವಾಂಶವನ್ನು ಸುಧಾರಿಸುತ್ತದೆ (ಸ್ನಿಗ್ಧಾ). ಇದು ದೇಹದ ಉಷ್ಣತೆಯನ್ನು ನಿವಾರಿಸಿ (ಶೀತ ವೀರ್ಯ) ವಾತ ಮತ್ತು ಪಿತ್ತ ದೋಷಗಳನ್ನು ಸಮತೋಲನಗೊಳಿಸುತ್ತದೆ .
ಒಣದ್ರಾಕ್ಷಿ ಮತ್ತು ನೆನೆಸಿದ ಒಣದ್ರಾಕ್ಷಿಗಳ ಆಯುರ್ವೇದ ಆರೋಗ್ಯ ಪ್ರಯೋಜನಗಳು
ಆಯುರ್ವೇದ ಔಷಧಶಾಸ್ತ್ರದಲ್ಲಿ ಒಣದ್ರಾಕ್ಷಿಗಳನ್ನು ಲೇಹ್ಯ ಗಳ ಸಿದ್ಧತೆಗಳಲ್ಲಿ ಸಿಹಿಗೊಳಿಸುವ ಮತ್ತು ತಂಪಾಗಿಸುವ ದ್ರವ್ಯವಾಗಿ ಬಳಸಲಾಗುತ್ತದೆ. ಲೇಹ್ಯ ದ ಸಿದ್ಧತೆಗಳಲ್ಲಿ ಮಸಾಲೆಗಳ ಮಿಶ್ರಣವನ್ನು ಸಂರಕ್ಷಕಗಳಾಗಿ ಬಳಸಲಾಗುತ್ತದೆ. ಈ ಮಸಾಲೆಗಳ ಉಷ್ಣ ಗುಣಲಕ್ಷಣಗಳನ್ನು ಕಡಿಮೆ ಮಾಡಲು ಒಣದ್ರಾಕ್ಷಿಗಳನ್ನು ಬಳಸಲಾಗುತ್ತದೆ. ಇದಲ್ಲದೆ ಈ ಹಣ್ಣುಗಳು ಲೇಹ್ಯ ವನ್ನು ಸೇವಿಸಿದಾಗ ಒಣ ದ್ರಾಕ್ಷಿಯು ತ್ವರಿತವಾಗಿ ಶಕ್ತಿ ಹೆಚ್ಚಿಸುತ್ತದೆ. ಅಲ್ಲದೆ ಕರುಳಿನ ಚಲನೆಯನ್ನು ಸಹ ಸರಾಗಗೊಳಿಸಿ ಮಲಭದ್ದತೆ ನಿವಾರಿಸುತ್ತವೆ .
ಪಿ. ಸಿ. ಓ. ಎಸ್ ಗೆ ಒಣದ್ರಾಕ್ಷಿ
ಪಿ. ಸಿ. ಓ. ಎಸ್ ಇರುವ ಮಹಿಳೆಯರಲ್ಲಿ ತೂಕ ಹೆಚ್ಚುವುದು ಹಾಗು ಅನಿಯಮಿತ ರಕ್ತಸ್ರಾವ ಸಾಮಾನ್ಯ ಲಕ್ಷಣಗಳಾಗಿರುತ್ತವೆ . ಮುಟ್ಟಿನ ರಕ್ತಸ್ರಾವ ಹೆಚ್ಚಾದಾಗ ಕಬ್ಬಿಣದ ಕೊರತೆ ರಕ್ತಹೀನತೆ ಉಂಟಾಗುತ್ತದೆ. ಒಣದ್ರಾಕ್ಷಿಯಲ್ಲಿ ಕಬ್ಬಿಣದ ಅಂಶ ಇದ್ದು , ಇದರ ನಿಯಮಿತ ಸೇವನೆಯಿಂದ ರಕ್ತಹೀನತೆ ಕಡಿಮೆ ಮಾಡಬಹುದು
ಪಿ. ಸಿ. ಓ. ಎಸ್ ನಲ್ಲಿ ದೇಹದ ತೂಕ ಕಡಿಮೆ ಮಾಡಿಕೊಳ್ಳುವುದು ಬಹು ಮುಖ್ಯ . ಸಿಹಿಯ ಚಪಲವಿರುವವರಿಗೆ ತೂಕ ಕಡಿಮೆ ಮಾಡಿಕೊಳ್ಳುವುದು ಸ್ವಲ್ಪ ಕಷ್ಟ . ಅಂಥಹವರು ಸಿಹಿ ತಿನ್ನಬೇಕೆನಿಸಿದಾಗೆಲ್ಲ ಒಣ ದ್ರಾಕ್ಷಿ ತಿನ್ನುವುದರಿಂದ ಸಿಹಿ ತಿಂದಷ್ಟೇ ತೃಪ್ತಿಯಾಗುತ್ತದೆ .
ನಿಮಿರು ದೌರ್ಬಲ್ಯದಲ್ಲಿ ಮತ್ತು ವೀರ್ಯಾಣುಗಳ ಸಂಖ್ಯೆ ಹೆಚ್ಚಿಸಲು
ಒಣದ್ರಾಕ್ಷಿ ಶುಕ್ರ ಧಾತು ಹೆಚ್ಚಿಸುತ್ತದೆ ಮತ್ತು ಬಲಪಡಿಸುತ್ತದೆ. ಬಲವಾದ ಶುಕ್ರ ಧಾತು ನಿಮಿರು ದೌರ್ಬಲ್ಯ ಹಾಗು ಮತ್ತು ಶೀಘ್ರ ಸ್ಖಲನವನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ. ಪುರುಷರ ಬಂಜೆತನದಲ್ಲಿಯೂ ಇದನ್ನು ಶಿಫಾರಸು ಮಾಡಲಾಗಿದೆ. ಒಣದ್ರಾಕ್ಷಿ ಪಿತ್ತ ಮತ್ತು ವಾತ ದೋಷಗಳನ್ನು ಸಮತೋಲನಗೊಳಿಸುತ್ತದೆ . ಕಬ್ಬಿಣ , ತಾಮ್ರ, ಮೆಗ್ನೀಸಿಯಮ್ ಮತ್ತು ಪೊಟ್ಯಾಸಿಯಮ್ನಂತಹ ಖನಿಜಗಳನ್ನು ಸಹ ಹೊಂದಿರುತ್ತದೆ. ಈ ಎಲ್ಲಾ ಖನಿಜಗಳು ವೀರ್ಯದ ಆರೋಗ್ಯಕ್ಕೆ ಬಹಳ ಮುಖ್ಯ. ಆದ್ದರಿಂದ ಆಯುರ್ವೇದ ವೈದ್ಯರು ಈ ಒಣ ಹಣ್ಣುಗಳನ್ನು ವೀರ್ಯಾಣುಗಳ ಸಂಖ್ಯೆ ಮತ್ತು ಚಲನಶೀಲತೆಯನ್ನು ಹೆಚ್ಚಿಸಲು ಶಿಫಾರಸು ಮಾಡುತ್ತಾರೆ.
ಇದು ಮಲಬದ್ಧತೆಯನ್ನು ನಿವಾರಿಸಲು ಸಹಾಯ ಮಾಡುವುದರಿಂದ ಇದನ್ನು ಮಲಬದ್ಧತೆಯ ಕಾರಣದಿಂದ ನಿಮಿರು ದೌರ್ಬಲ್ಯವನ್ನು ಅನುಭವಿಸುವ ಪುರುಷರು ಬಳಸಬಹುದು. ಈ ಹಣ್ಣನ್ನು ವಾಜಿಕರಣ ರಸಾಯನ ಮತ್ತು ವಾಜಿಕರಣ ಚಿಕಿತ್ಸೆಯಲ್ಲಿ ಬಳಸಲಾಗುತ್ತದೆ, ಇದನ್ನು ಪುರುಷರಲ್ಲಿ ಲೈಂಗಿಕ ಶಕ್ತಿ ಹೆಚ್ಚಿಸುವ ಆಹಾರವೆಂದು ಶಿಫಾರಸು ಮಾಡಲಾಗುತ್ತದೆ.
ನೀರಿನಲ್ಲಿ ನೆನೆಸಿದ ಒಣದ್ರಾಕ್ಷಿ ತಿನ್ನುವುದರಿಂದ ಆಗುವ ಪ್ರಯೋಜನಗಳು
ನೀರಿನಲ್ಲಿ ನೆನೆಸಿದ ಒಣದ್ರಾಕ್ಷಿಗಳನ್ನು ಯಾವಾಗಲೂ ಬಳಸಿ. 10 ರಿಂದ 12 ಒಣದ್ರಾಕ್ಷಿಗಳನ್ನು ಶುದ್ಧ ನೀರಿನಲ್ಲಿ ತೊಳೆಯಿರಿ ಮತ್ತು ನಂತರ ಅದನ್ನು ಸಣ್ಣ ಬಟ್ಟಲಿನಲ್ಲಿ ನೆನೆಸಿಡಿ. ಮರುದಿನ ಮುಂಜಾನೆ ಈ ಒಣದ್ರಾಕ್ಷಿಗಳನ್ನು ಕಿವುಚಿ ಅದೇ ನೀರಿನೊಂದಿಗೆ ಕುಡಿಯಿರಿ. ಇದು ಕೆಳಗೆ ಉಲ್ಲೇಖಿಸಲಾದ ಹಲವಾರು ಸಮಸ್ಯೆಗಳು ಪರಿಹಾರವಾಗುತ್ತವೆ.
- ಇದು ಮಲಬದ್ಧತೆಯನ್ನು ( constipation ) ನಿವಾರಿಸುತ್ತದೆ ಮತ್ತು ಕರುಳಿನ ಚಲನೆಯನ್ನು ಸರಾಗಗೊಳಿಸುತ್ತದೆ.
- ಬಾಯಾರಿಕೆ ತಣಿಸುತ್ತದೆ ಮತ್ತು ಶಕ್ತಿಯನ್ನು ಹೆಚ್ಚಿಸುತ್ತದೆ.
- ಹಿಂದಿನ ರಾತ್ರಿ ನೀವು ಮದ್ಯ ಸೇವಿಸಿದ್ದರೆ ಹ್ಯಾಂಗೊವರ್ ಅನ್ನು ಕಡಿಮೆ ಮಾಡುತ್ತದೆ.
- ಅಸಿಡಿಟಿ , ವಾಕರಿಕೆ, ವಾಂತಿ, ಎದೆ ಉರಿ ಮತ್ತು ಹುಳಿ ತೇಗು ತೊಡೆದುಹಾಕಲು ಸಹಾಯ ಮಾಡುತ್ತದೆ.
- ದೇಹದ ತೂಕವನ್ನು ಹೆಚ್ಚಿಸುತ್ತದೆ.
- ಮನಸ್ಸನ್ನು ಶಾಂತಗೊಳಿಸುತ್ತದೆ.
- ಗೌಟ್ ಅಥವಾ ವಾತ ರಕ್ತ ದಲ್ಲಿ ಯಕೃತ್ತನ್ನು ಬಲಪಡಿಸುತ್ತದೆ .
- ಪುರುಷರಲ್ಲಿ ಲೈಂಗಿಕ ಕ್ರಿಯೆ ಮತ್ತು ಫಲವತ್ತತೆಯನ್ನು ಹೆಚ್ಚಿಸುತ್ತದೆ.
- ಕಣ್ಣುಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ
ಲೇಖಕಿ : ಡಾ.ಸವಿತಾ ಸೂರಿ, ಸಲಹೆಗಾರ ಆಯುರ್ವೇದ ವೈದ್ಯೆ
+91 9945995660 / +91 9448433911 ಗೆ ಕರೆ ಮಾಡಿ
ವಾಟ್ಸ್ ಅಪ್ + 91 6360108663 /
